У Магілёве на пляцоўцы каля абласнога лячэбна-дыягнастычнага цэнтра 15 чэрвеня адбылося адкрыццё міжнароднага фестывалю «Радасць», які арганізуе Свята-Елісавецінскі манастыр па благаславенні архіепіскапа Магілёўскага і Мсціслаўскага Сафронія пры падтрымцы Магілёўскага гарадскога выканаўчага камітэта. На адной пляцоўцы можна ўбачыць царкоўнае начынне, арыгінальныя і душэўныя падарункі ручной працы, утульны тэкстыль, аўтарскую кераміку, прадметы дэкору, натуральную касметыку і прадукцыю для ўмацавання здароўя.