Содержимое

У Магілёўскай вобласці 9 жніўня 731 участак для галасавання пачаў сваю працу. Актыўны ўдзел у грамадска-палітычным жыцці краіны прымаюць усе катэгорыі грамадзян: моладзь, людзі працаздольнага ўзросту, пенсіянеры. На выбарчых участках рэгіёна праходзяць тэматычныя выставы, выступленні творчых калектываў і інш. Акрамя таго, арганізавана гандлёвае абслугоўванне насельніцтва.

Фотаздымкі прадастаўлены рэдакцыямі газет Магілёўскай вобласці

Сёння асноўны дзень галасавання на выбарах Прэзідэнта Беларусі. На ўчастку № 32, размешчаным у ДУА «Вучэбна-педагагічны комплекс дзіцячысад – сярэдняя школа № 12 г. Магілёва», раніцай зрабілі свой выбар на карысць аднаго з пяці кандыдатаў старшыня Магілёўскага абласнога выканаўчага камітэта Леанід Заяц і яго жонка, а таксама старшыня Магілёўскага гарвыканкама Уладзімір Цумараў.

У сярэдняй школе № 18 горада Магілёва 7 жніўня пасля капітальнага рамонту адкрылі басейн. Ва ўрачыстым мерапрыемстве, прысвечаным гэтай падзеі, прынялі ўдзел прадстаўнікі органаў выканаўчай улады, дэпутацкага корпуса, педагогі, навучэнцы ўстановы адукацыі і спартыўных школ, прадстаўнікі арганізацый абласнога цэнтра. Зараз у 25-метровым басейне 5 дарожак замест 4-х, устаноўлены новыя сістэмы водападрыхтоўкі і вентыляцыі з падагрэвам паветра, заменена плітка на сценах самога басейна, у душавых, распранальнях, для якіх таксама закупілі зручныя шафкі.