У Магілёве 27 ліпеня ўшаноўвалі медыцынскіх работнікаў, якія былі занятыя ў барацьбе з каранавіруснай інфекцыяй. У гарадскім Цэнтры культуры і вольнага часу гучалі словы ўдзячнасці за працу, адказнасць у складаны перыяд жыцця грамадства, адданасць прафесіі і магчымасць дапамагчы бліжняму. Дваццаць сем урачоў і медсясцёр узнагародзілі граматамі і падзякамі Міністэрства аховы здароўя Беларусі, Магілёўскага гарвыканкама і гарадскога Савета дэпутатаў, Магілёўскай абласной арганізацыі «Беларускі саюз жанчын».