Содержимое

Цэнтрам святочных падзей у Магілёве з нагоды Дня Незалежнасці Рэспублікі Беларусь вечарам 3 ліпеня стала плошча Славы. Тут прайшло мерапрыемства, падчас якога славутым жыхарам Прыдняпроўскага краю ўручылі спецыяльныя пасведчанні аб занясенні іх імёнаў у Кнігу славы Магілёўшчыны. Завяршыўся канцэрт агульнарэспубліканскай акцыяй «Праспяваем гімн разам» і феерверкам.

Фота Галіны Гаўрыловіч

Урачысты мітынг, прысвечаны Дню Незалежнасці Рэспублікі Беларусь, адбыўся на мемарыяльным комплексе Буйніцкае поле.

Фота Галіны Гаўрыловіч

Дэлегацыя Прыморскага краявога аддзялення Усерасійскай грамадскай арганізацыі ветэранаў (ПКАВОАУ) «Баявое братэрства» прыбыла ў Магілёўскую вобласць. У суботу, 2 ліпеня, маладыя людзі сустрэліся з намеснікам старшыні Магілёўскага аблвыканкама Валерыем Малашкам. У межах сяброўскіх узаемаадносін і грамадзянска-патрыятычнага выхавання гасцей чакаюць экскурсійныя праграмы з наведваннем Кіраўскага, Слаўгарадскага і Шклоўскага раёнаў, а таксама горада Мінска.

Фота Галіны Гаўрыловіч

У гарадскім парку культуры і адпачынку Падміколле праходзіць вялікае свята мяса, арганізатарам якога выступіў Магілёўскі мясакамбінат. У праграме мноства забаўляльных мерапрыемстваў і конкурсаў з прызамі, арганізаваныя зоны актыўнага адпачынку, міні-спаборніцтвы і квэст. Усе мерапрыемствы суправаджаюцца песнямі, танцамі і забаўляльнымі праграмамі.

Фота Галіны Гаўрыловіч