Содержимое

У Магілёве 17 верасня адкрылі першую чаргу дарогі-дублёра вуліцы Якубоўскага і Загараднай шашы. Аб’ект стаў падарункам жыхарам горада да Дня народнага адзінства і адным з найбуйнейшых сучасных праектаў транспартнай інфраструктуры абласнога цэнтра. Першая ў Магілёве бетонка, створаная па сучасных тэхналогіях, злучыла вуліцу Касманаўтаў і новы мікрараён Спадарожнік-2. Да яе будаўніцтва прыступілі ў пачатку 2020 года.

Абласное ўрачыстае мерапрыемства да Дня народнага адзінства адбылося 16 верасня ў Магілёве. У зале Палаца культуры вобласці сабралася каля 800 чалавек. Віншаванні з новым дзяржаўным святам гучалі ад старшыні Магілёўскага аблвыканкама Леаніда Зайца. Прафесійныя дасягненні нашых спартсменаў на міжнароднай арэне былі адзначаны ганаровымі граматамі аблвыканкама і абласнога Савета дэпутатаў.

У Магілёве сёння прайшло выязное пасяджэнне калегіі Міністэрства спорту і турызму. У мерапрыемстве прынялі ўдзел члены калегіі; начальнікі галоўных упраўленняў спорту і турызму аблвыканкамаў і Мінгарвыканкама; кіраўнікі структурных падраздзяленняў Магілёўскай вобласці, якія адказваюць за развіццё спорту і турызму, кіраўнікі ЦФАР і ФСК рэгіёна, вучэбна-метадычных цэнтраў фізічнага выхавання насельніцтва. У першай палове дня праграма прадугледжвала наведванне фізкультурна-аздараўленчага комплексу «Друць» Бялыніцкага раёна і новага ФАКа ў магілёўскім мікрараёне Фаціна.