Содержимое

Агульнагарадское свята «Дзеці за шчаслівае будучыню!», прысвечанае Дню ведаў, прайшло 1 верасня ў магілёўскім парку Падміколле. Падчас мерапрыемства адбылася тэматычная канцэртная праграма, у якой прынялі ўдзел творчыя калектывы ўстаноў адукацыі горада. Для дзяцей і іх бацькоў працавалі інтэрактыўныя і арт-пляцоўкі гарадскіх бібліятэк, Магілёўскага гарадскога цэнтра культуры і вольнага часу, медыцынскага каледжа, Магілёўскага занальнага цэнтра гігіены і эпідэміялогіі, БРСМ, МНС, АСВОДа, ДАІ, УУС і інш.

Майстры жывапісу з Беларусі, Расіі, Малдовы, Егіпта і Узбекістана прымаюць удзел у міжнародным пленэры «Вобраз Радзімы ў выяўленчым мастацтве», які праходзіць у Магілёве з 26 жніўня па 9 верасня і прымеркаваны да Года народнага адзінства. У творчым праекце ўдзельнічае 20 мастакоў. Па выніках мерапрыемства будуць вызначаны пераможцы, узнагароджанне якіх пройдзе 8 верасня ў Магілёўскім абласным мастацкім музеі імя П. В. Масленікава падчас урачыстага адкрыцця выставы ўдзельнікаў праекта. А ў лістападзе-снежні экспазіцыя будзе прадстаўлена ў Бабруйску і Мінску.