У Магілёўскім абласным мастацкім музеі імя П. В. Масленікава 18 сакавіка адкрылася фотавыстава Уладзіслава Цыдзіка «Бачу Беларусь такой». Праект дэманстраваўся ў многіх знакавых месцах краіны: у Нацыянальнай бібліятэцы Беларусі, Нацыянальнай акадэміі навук, Прэзідэнцкай бібліятэцы, Дзяржаўным музеі гісторыі беларускай літаратуры. Экспазіцыя ўпрыгожвала Дні беларускага пісьменства, кніжныя выставы. Дзякуючы фотаработам Уладзіслава Цыдзіка з Сінявокай пазнаёміліся ў Дагестане, Казахстане, Польшчы.