Ля мемарыяльнага комплексу ў Борках, урачыста адкрытага летась пасля маштабнай рэканструкцыі, раніцай 20 сакавіка было асабліва ажыўлена. На жалобны мітынг-рэквіем «Усенародная памяць і боль» сюды з’ехаліся жыхары Кіраўскага, Бабруйскага, Быхаўскага, Глускага, Магілёўскага раёнаў, Магілёва і Бабруйска. Да абеліска і бетонных зрубаў неслі жывыя кветкі вянкі прадстаўнікі выканкамаў, дэпутаты, ветэраны, удзельнікі аўтапрабегу, простыя людзі.