Содержимое

Сёння ў Магілёўскім гарадскім Цэнтры культуры і вольнага часу сабраліся прадстаўнікі шасці грамадскіх аб’яднанняў, сярод якіх ветэранскае і маладзёжнае крыло, прафсаюзы. Прадстаўнікі магілёўскіх гарадскіх арганізацый падпісалі пагадненне аб супрацоўніцтве.

У горадзе на Бярэзіне адкрылі транспартна-лагістычны цэнтр «Бабруйск-Белмытнясэрвіс». Ва ўрачыстай цырымоніі прыняў удзел начальнік Магілёўскай мытні Сяргей Іваноў, а таксама кіраўніцтва Бабруйскага гарадскога выканаўчага камітэта і рэспубліканскага ўнітарнага прадпрыемства «Белмытнясэрвіс».

У Горках стартавала абласная дабрачынная акцыя па аднаўленні святынь. Больш за сорак удзельнікаў–студэнты Беларускай дзяржаўнай сельгасакадэміі, прадстаўнікі абкама і райкама БРСМ–добраўпарадкоўвалі тэрыторыю набажэнскай капліцы прыходу ўсіх Беларускіх Святых, якая будуецца ў Горках.

Мільён кветак упрыгожыць клумбы Магілёва гэтай вясной. Выгадаваныя работніцамі прадпрыемства «Магілёўзелянбуд» кветкі можна будзе ўбачыць на выставе ля Палаца культуры вобласці 1 мая.