Содержимое

Прэзідэнт Беларусі Аляксандр Лукашэнка 1 кастрычніка падпісаў указ нумар 385 аб мэтавых паказчыках грашова-крэдытнай палітыкі на 2025 год. Дакумент прыняты ў мэтах стварэння ўмоў для ўстойлівага росту эканомікі. Аб гэтым паведамілі ў прэс-службе кіраўніка дзяржавы.

Галоўны вераснёўскі аграрны клопат — азімая сяўба — на Магілёўшчыне перайшоў экватар. Пасеялі аграрыі вобласці ўжо 57 працэнтаў азімых збожжавых культур. На тэрміны сяўбы моцна паўплывала вераснёўская засуха - у гаспадарках не спяшаліся кідаць збожжа ў перасушаную зямлю.

У гарадскіх, раённых выканаўчых камітэтах Магілёўскай вобласці, адміністрацыях раёнаў гарадоў Магілёва і Бабруйска для вырашэння пытанняў на месцах па суботах з 09.00 да 12.00 працягваюць працаваць прамыя тэлефонныя лініі, адпаведныя нумары тэлефонаў размешчаны на іх інфармацыйных рэсурсах і ў СМІ.

Ключавое новаўвядзенне, што ўступае ў сілу з 1 кастрычніка, - вызначэнне ўрадам пералікаў відаў дзейнасці для індывідуальных прадпрымальнікаў, фізічных асоб, якія ажыццяўляюць самастойную прафесійную дзейнасць, і рамеснікаў. Гэта прадугледжана пастановай Савета Міністраў ад 28 чэрвеня 2024 года нумар 457.