Старт дабрачыннай акцыі «Нашы дзеці» дадзены 14 снежня на плошчы Адзінства ў Магілёве. Падчас святочнага мерапрыемства прадстаўнікі гарадской арганізацыі Беларускага саюза жанчын уручылі творчай шматдзетнай сям’і Якімавых памятны падарунак – мікрахвалевую печ. Дарэчы, на працягу месяца кіраўнікі органаў дзяржкіравання, прадстаўнікі грамадскіх арганізацый наведаюць дзіцячыя інтэрнаты і дамы сямейнага тыпу, апякунскія і прыёмныя сем’і, сем’і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі, бальніцы.