100-гадовы юбілей: у Магілёве новы пашпарт уручылі ветэрану ВАВ

У Магілёве супрацоўнікі аддзела грамадзянства і міграцыі разам з кіраўніком адміністрацыі Кастрычніцкага раёна Пятром Салаўёвым і школьнікамі павіншавалі са 100-гадовым юбілеем ветэрана Вялікай Айчыннай вайны Паўла Яфімавіча Казлова. Пра гэта паведамілі ва УУС Магілёўскага аблвыканкама.

Імяніннік прымаў віншаванні з усмешкай і падзякай. Прысутныя пажадалі яму моцнага здароўя.

Павел Яхімавіч нарадзіўся ў Шклоўскім раёне. У сям'і выхоўвалася чацвёра дзяцей, ён быў самы старэйшы. У 16 гадоў паступіў у вучылішча рамеснікаў на шаўца, а ўсяго праз год навучання быў прызваны ў рады Савецкай арміі. Скончыўшы курс маладога байца, ён адправіўся на фронт сувязістам. За час службы ўзнагароджаны ордэнамі «Айчыннай вайны 2-й ступені», «Славы», медалямі «Жукава», «За ўзяцце Вены», «За Прагу», «За перамогу над Германіяй у Вялікай Айчыннай вайне 1941-1945 гг.» і іншымі ўзнагародамі.

Цяпер ветэран жыве са сваёй дачкой, а частыя госці ў іх доме, вядома ж, унукі і праўнукі, якія клапоцяцца пра яго і дораць станоўчыя эмоцыі, дзеляцца сваімі поспехамі.

«Для праваахоўнікаў важна наведваць пажылых людзей: падтрымаць, даведацца, раптам ёсць нейкія праблемы. А ў такія знакавыя даты ўдвая прыемна не проста ўручыць пашпарт, але і выказаць свае шчырыя словы ўдзячнасці і захапленні. Сімвалічна, што сёння ў Магілёўскай вобласці далі ўрачысты старт акцыі «Ад усёй душы», і гэтае мерапрыемства супала з такім важным юбілеем у жыцці франтавіка Паўла Яфімавіча», - адзначыла начальнік АГіМ Кастрычніцкага РАУС Магілёва Алена Сідарава.

БЕЛТА