Старшыня Магілёўскага аблвыканкама Анатоль Ісачанка сустрэўся сёння з Надзвычайным і Паўнамоцным Паслом Кыргызскай Рэспублікі ў Рэспубліцы Беларусь Эрболам Султанбаевым. Бакі абмеркавалі кірункі міжрэгіянальнага супрацоўніцтва ў эканамічнай, сацыяльнай і турыстычнай сферах.
Прэзідэнт Беларусі Аляксандр Лукашэнка ўручыў дзяржаўныя ўзнагароды і генеральскія пагоны прадстаўнікам вышэйшага афіцэрскага складу. Урачыстая цырымонія адбылася 20 лютага ў Палацы Незалежнасці.
Лінію па вытворчасці аднаразовых пялёнак запусцілі на ТАА «Белэмса» ў Магілёўскім раёне. Прадпрыемства з беларуска-турэцкім капіталам у складзе СЭЗ «Магілёў» уклала ў выпуск новай прадукцыі 1,5 млн еўра.
Больш за 600 арганізацый, устаноў і прадпрыемстваў вобласці падтрымалі ідэю дабрачыннага марафону «Сагрэем дзіцячыя сэрцы». Магілёўскае аддзяленне Беларускага дзіцячага фонду падводзіць вынікі.
МНС каардынуе работы па ліквідацыі наступстваў прарыву трубаправода ў Асіповічах. Аб гэтым паведамілі ў прэс-службе МНС.
Тэатральная вясна прыйдзе ў Магілёў без спазнення. На мінулым тыдні ўсе гарадскія інтэрнэт-паблікі шумелі аб тым, што білеты на міжнародны маладзёжны тэатральны форум «M.@rt кантакт» ужо ў продажы. Падрабязнасці даведваліся карэспандэнты ТРК «Магілёў».
Рэспубліканскі турнір па вольнай барацьбе памяці Героя Савецкага Саюза Мікалая Карначэнка сабраў каля 500 удзельнікаў у спартыўным комплексе «Лядовая арэна» ў Шклове. На працягу трох дзён спаборніцтваў на дыване сустрэнуцца спартсмены з Беларусі і Расіі.
Больш за 5,5 тыс. хлопчыкаў і дзяўчынак плануюць працаўладкаваць у студатрады сёлета ў Магілёўскай вобласці. Пра гэта расказаў камісар абласнога штаба студэнцкіх атрадаў Магілёўскай вобласці Віктар Радоўскі падчас промапраекта «Выбіраем студатрад» у Магілёўскім дзяржаўным універсітэце ім. А.А.Куляшова.
170 мільёнаў рублёў было накіравана ў 2024 годзе на мадэрнізацыю ўстаноў аховы здароўя Магілёўшчыны. Каля 30 мільёнаў пайшло на абнаўленне медыцынскага абсталявання як у гарадах, так і ў раёнах. Як адзначыў на сустрэчы з актывам вобласці ў пачатку года старшыня Магілёўскага аблвыканкама Анатоль Ісачанка, развіццё сацыяльнай сферы застаецца адным з прыярытэтаў беларускай дзяржавы.
Сёння спаўняецца 130 гадоў з дня нараджэння аднаго з кіраўнікоў партызанскага руху ў Беларусі ў гады Вялікай Айчыннай вайны, заснавальніка і шматгадовага кіраўніка славутага калгаса «Рассвет» у Магілёўскай вобласці Героя Савецкага Саюза, Героя Сацыялістычнай Працы Кірыла Арлоўскага.
Праца з людзьмі - найскладаны працэс, які не прымае фармалізму, патрабуе сталага ўдасканалення формаў і метадаў працы. Такую думку сёння, 19 лютага, на пашыраным пасяджэнні калегіі галоўнага ўпраўлення ідэалагічнай работы і па справах моладзі Магілёўскага аблвыканкама выказала начальнік гэтага ўпраўлення Кацярына Музычэнка.
