Аб асаблівасцях выхавання дзяцей лічбавага пакалення раскажуць на псіхалагічным лекторыі ў Магілёве

У Магілёве працягваецца цыкл вочных сустрэч з выкладчыкамі псіхалогіі з МДУ ім. А.А. Куляшова. Наступнае тэматычнае мерапрыемства пройдзе 20 снежня на базе Цэнтральнай гарадской бібліятэкі ім. К. Маркса. Пра гэта паведамілі ва ўстанове культуры.

Другая сустрэча адкрытага псіхалагічнага лекторыя будзе прысвечана тэме «Лічбавае пакаленне: псіхалагічныя характарыстыкі і асаблівасці выхавання». Яе вядучым стане старшы выкладчык кафедры псіхалогіі і карэкцыйнай работы Аляксандр Старавойтаў.

У час тэматычнай сустрэчы ўдзельнікам прапануюць абмеркаваць шэраг пытанняў, сярод якіх навуковыя тэорыі пакаленняў і даследаванні пакаленчых адрозненняў, кагнітыўныя і асобасныя характарыстыкі прадстаўнікоў лічбавага пакалення, асаблівасці выхавання дзяцей лічбавага пакалення.

Пачатак заняткаў у 17.30.

БЕЛТА