Абласная арганізацыя БРСМ адкрыла «гарачую лінію» па пытаннях прафілактыкі Covid-19

У Магілёўскім абласным камітэце БРСМ працуе «гарачая лінія» па пытаннях прафілактыкі COVID-19 і дапамогі пажылым людзям, інвалідам і іншым катэгорыям грамадзян, якія жывуць у нястачы. Пра гэта паведамілі ў прэс-службе АК ГА «БРСМ».

Валанцёры гатовыя аказаць дапамогу ў дастаўцы прадуктаў харчавання, медыкаментаў на дом, добраўпарадкаванні прыдамавых участкаў ветэранам Вялікай Айчыннай вайны, адзінокім пажылым людзям і іншым катэгорыям грамадзян, якім неабходна дапамога.

Заяўку можна пакінуць па нумарах тэлефонаў: 80222 767049, 80222 766714.

Акрамя гэтага, валанцёры руху БРСМ «Добрае сэрца» дапамагаюць пракансультаваць грамадзян па пытаннях прафілактыкі Covid-19. На тэрыторыях, прылеглых да гандлёвых аб’ектаў, валанцёры праводзяць інфармацыйна-прафілактычную акцыю «Covid-патруль». Валанцёры, экіпіраваныя неабходнымі сродкамі абароны і спецыяльнымі бэйджамі, праводзяць інфармацыйна-асветніцкую працу аб неабходнасці вакцынацыі, нагадваюць усім аб захаванні масачнага рэжыму і дыстанцыявання.

Такая праца праводзіцца ў кожным раёне Магілёўскай вобласці, дадалі ў прэс-службе.

Рэд.