Абласная прафсаюзная ёлка адбудзецца ў Магілёве 24 снежня ў 11.00 у Палацы культуры вобласці. Мерапрыемства стане часткай традыцыйнай дабрачыннай акцыі «Прафсаюзы – дзецям», – расказалі ў Магілёўскім абласным аб’яднанні прафсаюзаў.
Сёлета гасцямі свята, якое праводзіцца ўжо больш за 10 гадоў, стане амаль 600 дзяцей – пераважна дзеці са шматдзетных і малазабяспечаных сем’яў, дзеці-інваліды, выхаванцы сацыяльных прытулкаў і дзіцячых устаноў адукацыі інтэрнатнага тыпу, замацаваных за абласным аб’яднаннем прафсаюзаў і абласнымі арганізацыямі галіновых прафсаюзаў. Кожнае дзіця атрымае кілаграмовы падарунак.
Гасцей чакае займальнае прадстаўленне са Снягуркай і Дзедам Марозам, а таксама музычная навагодняя казка. Сёлета дзеці ўбачаць пастаноўку «Чароўны пераплёт», галоўным героем якой стане школьнік Воўка Піджакоў. Паводле сюжэту, Дзед Мароз выгадаваў чароўную ёлку з кнігамі, а злы чараўнік Шырлін-Мырлін і ведзьма Рампумпель Гадзюкіна спрабуюць іх выкрасці. На дапамогу прыходзіць Воўка. Ратуючы кнігі, ён трапляе ў чароўнае царства, дзе сустракае розных літаратурных герояў: Снежную Каралеву, Змея Гарыныча, Дон Кіхота і Санча Панса, Айбаліта, Бармалея і многіх іншых.
Напярэдадні навагодніх і калядных святаў прафсаюзы наведаюць свае падшэфныя ўстановы і акажуць бязвыплатную дапамогу ва ўмацаванні матэрыяльна-тэхнічнай базы, закупцы прысмакаў і навагодніх падарункаў для іх выхаванцаў, арганізацыі паездак на паказы.
«Прафсаюзы ніколі не стаялі ў баку ад дапамогі дзецям, – расказалі ў абласным аб’яднанні. – Пацвярджэннем таму служыць рэспубліканская дабрачынная акцыя «Прафсаюзы – дзецям», якая праводзіцца круглы год і прадугледжвае рэальную спонсарскую дапамогу дзецям і асобным катэгорыям сем’яў да навагодніх і калядных святаў, Дня ведаў, 1 Мая».
Пры выкарыстанні матэрыялаў актыўная гіперспасылка на mogilev-region.gov.by абавязковая
28.03.2024 - 15:13
27.03.2024 - 15:46
Пётр Пархомчык: пілотны праект па забеспячэнні гарадоў электратранспартам будзе прадаўжацца
27.03.2024 - 15:45
Адзін з самых знакавых дзён. Міліцыянтам Магілёўскай вобласці ўручылі дзяржузнагароды і пагоны
27.03.2024 - 11:36