Абласны злёт маладых спецыялістаў праходзіць на базе Кіраўскага раёна

Абласны злёт маладых спецыялістаў, якія прыбылі на першае працоўнае месца ў арганізацыі рэгіёна ў 2024 годзе, стартаваў з наведвання мемарыяльнага комплексу «Памяці спаленых вёсак Магілёўскай вобласці» ў вёсцы Боркі.

15 чэрвеня 1942 года ў Борках адбылася адна з найбуйнейшых карных аперацый нацыстаў на тэрыторыі Беларусі.

Маладыя людзі агледзелі аб'екты мемарыяльнага комплексу, хвілінай маўчання ўшанавалі памяць бязвінных ахвяр, усклалі кветкі да асноўных кампазіцый мемарыяла: «Беларусь - смуткуючая маці», «Полымя» - вобраз раз'юшанай стыхіі, у якой апынуліся вяскоўцы, і «Калодзеж» - месца жалобы аб закатаваных дзецях, жыўцом кінутых у студні.

- Лічу, што такія сустрэчы вельмі важныя для моладзі, - сказала ўдзельніца з Мсціслаўля Анастасія Багатырова. — Наведванне знакавых месцаў дазваляе адчуць сувязь з гісторыяй і дае магчымасць убачыць усё на свае вочы. Вельмі добрае, што ў нашай вобласці існуе такая традыцыя.

 mogilevnews.by