Ацяпленне пачалі падаваць у аб’екты сацсеткі Магілёва

З сённяшняга дня ацяпленне пачалі падаваць у аб’екты сацыяльнай сферы Магілёва. Такое распараджэнне падпісана ў гарвыканкаме і абапіраецца на ўмовы надвор’я і перспектыўны прагноз.

«Уключыць сістэмы ацяплення ў будынках устаноў дашкольнай адукацыі, агульнай сярэдняй адукацыі, медыцынскіх, лячэбна-прафілактычных устаноў, музеяў, дзяржаўных архіваў, бібліятэк і арганізацый, якія аказваюць сацыяльныя паслугі на тэрыторыі горада Магілёва, з 20 верасня», – гаворыцца ў дакуменце.

Пры сярэднясутачнай тэмпературы вонкавага паветра вышэй за плюс 10 градусаў Цэльсія сістэмы ацяплення перавядуць у рэжым прапальвання, а ў выпадку яе стабільнага павышэння – адключаць.

Рэд.