Адукацыйны праект «Школа экспарцёра» праходзіць у Магілёве

Шосты паток адукацыйнага праекта «Школа экспарцёра» праходзіць на базе Цэнтра экспарту Магілёўскай вобласці ў ААТ «Магілёўскае агенцтва рэгіянальнага развіцця».

Ініцыятарамі праекта выступілі камітэт эканомікі Магілёўскага аблвыканкама сумесна з Цэнтрам экспарту Магілёўскай вобласці, які функцыянуе на базе ААТ «Магілёўскае агенцтва рэгіянальнага развіцця».

З прывітальным словам выступіў дырэктар ААТ «Магілёўскае агенцтва рэгіянальнага развіцця» Яўген Якімаў.

Першы модуль праекту: «Уводзіны ў экспарт: жыццёвы цыкл экспартнага праекту. Страхаванне экспартных рызык» асвятлілі старшы выкладчык кафедры дыдактыкі і прыватных методык установы адукацыі «Магілёўскі дзяржаўны абласны інстытут развіцця адукацыі» Ларыса Аляхновіч і начальнік аддзела добраахвотнага страхавання філіяла «Белэксімгарант-Магілёў» Аляксандр Ільіных.

Праграма навучання ўніфікавана і арыентавана як на спецыялістаў, якія ўжо працуюць на міжнародным рынку, так і на пачаткоўцаў выбудоўваць партнёрскія адносіны з замежнымі кампаніямі.

Адукацыйны курс працягнецца крыху больш за месяц. Ён прадугледжвае бясплатнае навучанне асновам экспартнай дзейнасці для прадстаўнікоў прадпрымальніцтва, арганізацый і прадпрыемстваў.

Пасля заканчэння навучання слухачы атрымаюць адпаведны сертыфікат.

Рэд., фота прадстаўлены ААТ «Магілёўскае агенцтва рэгіянальнага развіцця»