Адзенне дзелавога стылю для школьнікаў выпускае 10 швейных і трыкатажных прадпрыемстваў канцэрна «Беллегпрам», – паведамілі ў прэс-службе канцэрна.
Сярод іх – «Славянка», «Світанак», Жлобінская швейная фабрыка, «Калінка» і іншыя. Частка прадпрыемстваў вырабляе лінейку спартыўнага адзення для заняткаў фізічнай культурай і спортам.
«Да новага навучальнага года прадпрыемствы галіны пашырылі асартымент школьнага адзення як для дзяўчынак, так і для хлопчыкаў. Плануецца, што ў гандлёвыя арганізацыі краіны паступіць каля 600 тыс. швейных і трыкатажных вырабаў для дзяцей школьнага ўзросту. Пакупнікам будзе прапанавана больш за 500 мадэляў, з іх амаль 300 – новыя», – паведамілі ў прэс-службе.
Аснова калекцый адзення дзелавога стылю 2020–2021 навучальнага года – гэта класічны стыль (classik) і паўсядзённы (casual). «Калекцыі адзення для дзяўчынак уключаюць сарафаны, сукенкі, спадніцы, камізэлькі, жакеты, штаны, якія дапаўняюць класічныя дзелавыя і блузкі для выхаду. Для хлопчыкаў прапануюцца пінжакі, камізэлькі, штаны, жакеты, кардыганы, а таксама кашулі і джэмперы», – растлумачылі ў «Беллегпраме».
Для вытворчасці школьнага асартыменту выкарыстоўваюцца полівіскозныя і паўшарсцяныя тканіны, сумесевыя тканіны з утрыманнем бавоўны, трыкатажнага палатна, якія адпавядаюць усім нормам і патрабаванням, што прад’яўляюцца да дзіцячай вопраткі.
«Важнае адрозненне калекцыі школьнай формы 2020–2021 ад папярэдніх сезонаў – разнастайнасць вырабаў з тканіны ў клетку. Папулярнымі застаюцца трыкатажныя мадэлі, паколькі гэта зручна: такое адзенне не камячыцца і не скоўвае рухаў. Навінкай сезона стануць блузкі з бавоўны, вышытай з выкарыстаннем тэхнікі Рышэлье. Іх выпускае ЗАТ «Калінка», – адзначылі ў канцэрне.
Школьная калекцыя прадстаўлена шырокім памерным радам, што дазволіць падабраць вопратку для навучэнцаў усіх узростаў. Большая частка мадэляў – з рэгулятарамі, гэта забяспечыць ідэальную пасадку пры рознай камплекцыі. Выпускаюцца мадэлі і для дзяцей з нестандартнай фігурай.
Як падкрэслілі ў прэс-службе, прадпрыемствы галіны пры вытворчасці школьнага адзення пераважна захавалі адпускныя цэны на ўзроўні 2019 года.
Пры выкарыстанні матэрыялаў актыўная гіперспасылка на mogilev-region.gov.by абавязковая
