На тэрыторыі Магілёўскай вобласці 27 снежня ДАІ правядзе адзіны дзень бяспекі дарожнага руху «Спыні бяду – патэлефануй 102» па прафілактыцы ДТЗ, якія здзяйсняюцца ў стане ап’янення. Зараз у рэгіёне арганізаваны мэтавы комплекс наглядных і прафілактычных мерапрыемстваў, накіраваны на папярэджанне п’янства за рулём, паведамілі ў аддзяленні па агітацыі і прапагандзе ДАІ УУС Магілёўскага аблвыканкама.
«П’янства за рулём, нягледзячы на пастаянную барацьбу з ім, усё яшчэ застаецца нявырашанай праблемай, – падкрэслілі суразмоўцы. – Алкаголь з’яўляецца адной з найбольш частых прычын ДТЗ і стварае пагрозу для жыцця і здароўя ўсіх удзельнікаў дарожнага руху».
Цяжар наступстваў такіх здарэнняў значна вышэйшы ў параўнанні з астатнімі аварыямі. За 11 месяцаў 2019 года на дарогах Магілёўскай вобласці па віне нецвярозых вадзіцеляў адбылося 41 дарожна-транспартнае здарэнне, у якіх 13 чалавек загінула і 47 атрымала траўмы.
На жаль, ні відавочная небяспека ўжывання спіртнога для кіроўцы, ні суровыя санкцыі пакарання не могуць пераканаць асобных грамадзян адмовіцца ад чаркі перад паездкай. З пачатку года супрацоўнікамі Дзяржаўтаінспекцыі ў вобласці затрымана больш за 2 тыс. нецвярозых кіроўцаў, з іх 113 – за паўторную п’яную паездку. А адказнасць за нецвярозыя ваяжы дастаткова сур’ёзная: гэта штраф ад 50 да 100 базавых велічынь з пазбаўленнем права кіравання транспартнымі сродкамі тэрмінам на 3 гады.
Пры выкарыстанні матэрыялаў актыўная гіперспасылка на mogilev-region.gov.by абавязковая
02.05.2024 - 15:29
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне