Аграрыі Магілёўшчыны намалацілі 604,5 тыс тон збожжавых і зернебабовых

Аграрыямі Магілёўскай вобласці па стану на 8 жніўня ўбрана 236 921 га, намалочана 604 474 тоны пры сярэдняй ураджайнасці 25,5 ц/га збожжавых і зернебабовых культур (без уліку кукурузы, грэчкі і проса). Пра гэта паведамілі ў камітэце па сельскай гаспадарцы і харчаванні аблвыканкама.

Уборка азімых рапсу і ячменю на Магілёўшчыне завершана. Так, азімага ячменю ўбрана 96 244 тоны, што складае 100,3 працэнта да плана, азімага рапсу - 91 638 тон.

У Магілёўскай вобласці ўсяго ўбрана: азімага жыта - 34 090 тон пры сярэдняй ураджайнасці 19 ц/га; пшаніцы - 249 338 тон пры сярэдняй ураджайнасці 30 ц/га; трыцікале - 82 746 тон пры сярэдняй ураджайнасці 26 ц/га; аўса - 43 008 тон пры сярэдняй ураджайнасці 24 ц/га; зернебабовых - 30 108 тон пры сярэдняй ураджайнасці 22 ц/га.

Паралельна з уборкай ідзе церабленне лёну. Па вобласці выцераблена 6276 га, або 86% да плана.

Вядуцца работы і па нарыхтоўцы травяных кармоў. Другім укосам шматгадовая трава ў Магілёўскай вобласці скошана на плошчы 102 515 га, або 89 працэнтаў да плана, убрана з плошчы 93 759 га.

Па вобласці нарыхтавана: сена - 70 957 тон, сенажу - 1 479 567 тон, сіласу - 16,8 тыс. тон. Усяго нарыхтавана 455.206 тон кармавых адзінак (38,4 працэнта да плана), што складае на адну ўмоўную галаву жывёлы 12,21 ц.к.ад. (+ 2,7 ц.к.ад. да ўзроўню 2023 г.).

 mogilevnews.by