Аграрыі Магілёўшчыны намалацілі 770,5 тыс. тон збожжавых і зернебабовых

Аграрыі Магілёўскай вобласці па стану на раніцу 28 жніўня ўбралі 321,4 тыс. га, намалочана 770,5 тыс. т збожжавых і зернебабовых культур (без уліку кукурузы, грэчкі і проса), пры сярэдняй ураджайнасці 24 ц/га. Пра гэта паведамілі ў камітэце па сельскай гаспадарцы і харчаванні аблвыканкама.

Уборка азімага рапсу ў рэгіёне завершана - ураджай убраны на плошчы 47,4 тыс. га, або 100% да плана, намалочана 91,6 тыс. т пры сярэдняй ураджайнасці 19,3 ц/га. Больш за палову раёнаў вобласці пачалі ўборку яравога рапсу, так, на сёння ўбрана звыш 5 тыс.га, намалочана 6,5 тыс.т пры сярэдняй ураджайнасці 13 ц/га.

У Магілёўскай вобласці ўсяго ўбрана: ячменю - 179,6 тыс. т пры сярэдняй ураджайнасці 21 ц/га, у тым ліку азімага - 96,3 тыс. т, яравога - 83,2 тыс. т; азімага жыта - 40,3 тыс. т пры сярэдняй ураджайнасці 18 ц/га; пшаніцы - 323 тыс. т пры сярэдняй ураджайнасці 28 ц/га; трыцікале - 127,6 тыс. т пры сярэдняй ураджайнасці 24 ц/га; аўса - 51,3 тыс.т пры сярэдняй ураджайнасці 23 ц/га; зернебабовых - 48,7 тыс. т пры сярэдняй ураджайнасці 19 ц/га.

Паралельна з уборкай па вобласці выцераблена 7,3 тыс. га лёну, або 100% да плана.

Вядуцца работы і па нарыхтоўцы травяных кармоў. Трэцім укосам шматгадовая трава ў Магілёўскай вобласці скошана на плошчы 13,7 тыс. га, убрана - з плошчы 11,5 тыс. га.

Па вобласці нарыхтавана: сена - каля 81,7 тыс. т, сенажу - звыш 1,57 млн т, сіласу - 87 тыс. т (у тым ліку 70,7 тыс. т - з кукурузы). Усяго нарыхтавана 503,2 тыс.т кармавых адзінак (42,4% да плана), што складае на адну ўмоўную галаву жывёлы 13,49 ц.к.ад. (+3 ц.к.ад. да ўзроўню 2023 г.).

Акрамя таго, гаспадаркамі рэгіёну вядзецца ўзворванне пад азімыя збожжавыя культуры. Так, на сёння апрацавана 68,4 тыс.га, што складае 28% да плана.

Юлія Таранава