Акцыя «У школу з Добрым Сэрцам» стартуе 6 жніўня ў Магілёве

Абласны этап рэспубліканскай дабрачыннай акцыі «У школу з Добрым Сэрцам» адбудзецца 6 жніўня ў 14:30 у ААТ «Універмаг «Цэнтральны».

У рамках святочнага адкрыцця для дзяцей і дарослых падрыхтавана яскравая забаўляльная праграма з конкурсамі, майстар-класамі і сюрпрызамі. А таксама кожны ўдзельнік акцыі зможа пакінуць сваё віншаванне з новым навучальным годам на паштоўцы «Добрае Сэрца».

Як распавялі ў Магілёўскім абкаме БРСМ, мэта акцыі - дапамагчы дзецям з сем'яў, якія маюць у гэтым патрэбу, падрыхтавацца да новага навучальнага года, забяспечыўшы іх неабходным школьным прыладдзем, адзеннем і абуткам. «У гэтым годзе дапамога будзе накіравана ў ДУА «Кіраўскі цэнтр карэкцыйна-развіваючага навучання і рэабілітацыі», Дзіцячы дом сямейнага тыпу Перавознікавай А.М., маламаёмасным і малазабяспечаным сем'ям Магілёўскай вобласці, - растлумачылі ў абкаме і запрасілі ўсіх неабыякавых грамадзян прыняць удзел у акцыі. – Кожны можа ўнесці свой уклад, перадаўшы валанцёрам школьныя прылады (сшыткі, ручкі, алоўкі, заплечнікі), канцылярскія тавары, адзенне і абутак для школьнікаў, якія развіваюць гульні і кнігі».

Пункт збору дабрачыннай дапамогі будзе арганізаваны ў ААТ «Універмаг «Цэнтральны» па буднях з 14:30 да 17:30.

Рэд.