Актывізацыя ўдзелу грамадзянскай супольнасці ў Годзе добраўпарадкавання стала ключавой тэмай пасяджэння Каардынацыйнага Савета

Пасяджэнне кіраўнікоў абласных структур грамадскіх аб'яднанняў і палітычных партый, сябраў Каардынацыйнай Рады грамадскіх аб'яднанняў і палітычных партый рэгіёна адбылося 11 чэрвеня ў Магілёўскім аблвыканкаме. Удзел у ім прынялі старшыня Каардынацыйнай Рады, старшыня праўлення абласнога аддзялення ГА «Беларускі фонд міру» Андрэй Нікіцін, старшыня абласнога Савета дэпутатаў, старшыня абласной арганізацыі РГА «Белая Русь» Аляксандр Гарошкін, начальнік галоўнага ўпраўлення ідэалагічнай працы і па справах моладзі аблвыканкама Кацярына Музычэнка.

Разам з вырашэннем справаздачна-арганізацыйных пытанняў удзельнікі сустрэчы абмеркавалі ролю членаў Каардынацыйнага Савета ў мерапрыемствах, прымеркаваных да Года добраўпарадкавання.

«Размаўлялі аб тым, як сёння грамадзянская супольнасць краіны гатова рэалізоўваць пастаўленыя ў цэлым перад усімі жыхарамі беларускай дзяржавы задачы. Аб тым, як на Магілёўшчыне сёння такія структуры, напрыклад, як Беларускі саюз жанчын і Беларускі рэспубліканскі саюз моладзі, працуюць у Год добраўпарадкавання. Іх лідэры сёння трымалі адказ, - распавёў Андрэй Нікіцін. - Мы закранулі, вядома, і тыя пытанні, якія дастаткова новыя для поля грамадскага жыцця Беларусі - партыйнай сістэмы. Таму што ў тым фармаце, больш высокім статусе і ўзроўні адказнасці, у якім яна зараз існуе, яна яшчэ знаходзіцца ў стадыі дынамічнага развіцця. І важна звярнуць увагу на існуючыя вынікі. А галоўны наш вынік, састаялай па сутнасці палітычнай сістэмы дзяржавы, - гэта вынікі выбараў Прэзідэнта Рэспублікі Беларусь. Дзе мы ўсе разам кансалідаваўшыся вакол нацыянальнага лідэра, пацвердзілі прыхільнасць народа Беларусі тым каштоўнасцям, якія традыцыйна адрозніваюць беларусаў - гэта міралюбнасць, працавітасць і адказнасць.

Рашэнні, якія сёння прыняты, патрабуюць практычнай, штодзённай, карпатлівай работы. І мы просім усіх магіляўчан актыўна ўдзельнічаць у грамадскім жыцці. Таму што ўсё, што робіцца, робіцца для народа, для таго, каб стварыць належныя ўмовы для жыцця, для таго, каб зрабіць заўтрашні дзень годным і нашы дзеці маглі жыць у квітнеючай краіне пад мірным небам».

Як адзначыў у сваю чаргу Аляксандр Гарошкін, размова адбылася сур'ёзная, паколькі і прадстаўніцтва было даволі сур'ёзнае: «Сёння тут, у гэтай зале, знаходзіліся кіраўнікі ўсіх найбуйнейшых грамадскіх аб'яднанняў, якія ў нас створаны і функцыянуюць, кіраўнікі палітычных партый. І гэта вялізная частка нашага грамадства.

Мы выдатна разумеем, што сёння, для таго, каб у гэтай бурнай плыні дзяржава выстаяла, патрэбна не толькі эканоміка, пра якую гаворыць кіраўнік дзяржавы, ставіць канкрэтныя задачы органам выканаўчай улады, але неабходны і вельмі моцны грамадскі рух, людзі павінны быць згуртаваны. У нас ёсць вакол каго гуртавацца - наш нацыянальны лідар - чалавек, які разумее працу ўсіх: і вытворцаў, і грамадскіх дзеячаў. І якраз сёння мы абмяркоўвалі пытанні, якія тычацца ролі грамадскіх аб'яднанняў у гэтай плыні, канкрэтна пра Год добраўпарадкавання. Дзе мы павінны прыкладаць свае намаганні, не паўтараць і не падмяняць выканаўчую ўладу - у іх свае задачы. А наша самая галоўная задача - гэта праца з насельніцтвам, праца з грамадствам. Кожны чалавек, кожны беларус павінен разумець, што павінен унесці свой уклад. І для гэтага дастаткова навесці парадак каля свайго дома, каля свайго пад'езда. Не чакаць, што гэта зробяць службы, хаця іх задача падтрымліваць яго, гэта зразумела. Але наводзіць парадак, у тым ліку, можам і мы. І вось тады будзе вынік. І тады Год добраўпарадкавання адыграе тое значэнне, якое ў яго ўкладвалася. Задачы пастаўленыя, і я думаю, што яны будуць паспяхова выкананыя», - падсумаваў ён.

Кацярына Музычэнка нагадала пра шэраг маючых адбыцца святочных мерапрыемстваў і падкрэсліла, што дзейнасць грамадскіх аб'яднанняў і палітычных партый у рэгіёне павінна быць дакладна выбудавана, а існуючыя традыцыі неабходна падтрымліваць на дастойным узроўні. Роля грамадзянскай супольнасці ў развіцці рэгіёна важкая, такім чынам, і падыход неабходны сур'ёзны - рэгулярная інфармацыйная праца з насельніцтвам, бесперапыннае ўзаемадзеянне з працоўнымі калектывамі.

Юлія Таранава, фота Галіны Гаўрыловіч