«Алею пакаленняў» высадзяць у Магілёўскім гарадскім парку

«Алею пакаленняў» высадзяць у Магілёўскім гарадскім парку культуры і адпачынку Падніколле. Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

Акцыя па высадцы алеі, прысвечаная святкаванню 105-гадовага юбілею УЛКСМ і 60-годдзю беларускіх студэнцкіх атрадаў, запланавана на 28 кастрычніка (субота). Тут у 10:00 збяруцца піянеры, актыў БРСМ і ветэраны камсамольскага руху, каб высадзіць больш за 50 клёнаў уздоўж ракі Дняпро.

«Моладзь і ветэраны камсамольскага руху аб'яднаюцца, каб высадзіць саджанцы маладых дрэў, якія ў сваю чаргу сімвалізуюць пераемнасць і падораць усім удзельнікам радасць працы на карысць і зносіны», - расказалі ў маладзёжнай арганізацыі.

У завяршэнні мерапрыемства ўдзельнікі ўстановяць тэматычную таблічку «Алея Пакаленняў».

Рэд.