Аляксандр Гарошкін сустрэўся з 98-гадовай удзельніцай Вялікай Айчыннай вайны Сафіяй Пятроўнай Стасевіч

Член Савета Рэспублікі Нацыянальна сходу Рэспублікі Беларусь, старшыня абласнога Савета дэпутатаў, старшыня абласной арганізацыі РГА «Белая Русь» Аляксандр Гарошкін сустрэўся з 98-гадовай удзельніцай Вялікай Айчыннай вайны Сафіяй Пятроўнай Стасевіч.

Сустрэча прайшла на знакавым месцы - Буйніцкім полі. Сафія Пятроўна ўраджэнка Бялыніцкага раёна. Яшчэ ў дзяцінстве бацькі пераехалі ў Бярэзінскі раён, дзе і заспела сям'ю Вялікая Айчынная вайна. Бацьку Сафіі Пятроўны нацысты спалілі на яе вачах. Траіх братоў яна таксама больш не ўбачыла: адзін загінуў, абараняючы Украіну, другі - Ленінград, трэцяга - расстралялі пад Магілёвам.

І вось 31 мая Сафія Пятроўна наведала месца гібелі свайго брата. Разам з ёй прыехалі намеснік старшыні Бярэзінскага райвыканкама Вольга Калячка, дырэктар Бярэзінскага ТЦСАН Алена Жолудзева і ўнучатая пляменніца Ірына Бародзіч.

Аляксандр Гарошкін і кіраўнік Магілёўскага абласнога гісторыка-патрыятычнага пошукавага клуба «Вікру» Мікалай Барысенка распавялі жанчыне пра Буйніцкае поле і Музей Славы Магілёўскай вобласці, які будуецца ў раёне мемарыяльнага комплексу «Буйніцкае поле».

Сафія Пятроўна вырашыла ўнесці свой пасільны ўклад ва ўзвядзенне гэтага знакавага аб'екта, ахвяраваўшы на яго будаўніцтва грашовыя сродкі.

mogilevnews.by