Прэзідэнт Беларусі Аляксандр Лукашэнка 13 чэрвеня падпісаў указ №171 «Аб прыняцці мер у галіне цэнаўтварэння», якім карэкціруюцца асобныя ўказы кіраўніка дзяржавы. Дакумент накіраваны на забеспячэнне адзіных падыходаў у галіне цэнаўтварэння і ўстанаўленне найбольш празрыстага механізма фарміравання экспартных цэн на асобныя тавары. Аб гэтым паведамілі ў прэс-службе беларускага лідэра.
Так, унесены змяненні ва ўказ ад 5 снежня 2013 года №550, якімі прадугледжана, што максімальна дапушчальны рост плацяжоў насельніцтва за жыллёва-камунальныя паслугі не павінен перавышаць 0,5 базавай велічыні (замест раней устаноўленага доларавага эквівалента).
З улікам наяўнай практыкі па рэгуляванні цэн (тарыфаў) унесены змяненні ва ўказ ад 25 лютага 2011 года №72 «Аб некаторых пытаннях рэгулявання цэн (тарыфаў) у Рэспубліцы Беларусь».
Акрамя таго, прыпынена дзеянне падпункта 1.3.1 пункта 1 Дэкрэта №6 ад 7 мая 2012 года, якім давалася права камерцыйным арганізацыям, размешчаным у сельскай мясцовасці, рэалізоўваць на экспарт сухое абястлушчанае малако і масла без біржавых таргоў на Беларускай універсальнай таварнай біржы.
Пры выкарыстанні матэрыялаў актыўная гіперспасылка на mogilev-region.gov.by абавязковая
31.07.2025 - 16:34
Тонкая настройка на знешнім контуры. Падрабязнасці нарады Аляксандра Лукашэнкі з дыпламатамі
16.07.2025 - 14:48
На падтрымку адораных навучэнцаў і студэнтаў са спецфонду Прэзідэнта Беларусі выдзеляць Br560 тыс.
14.07.2025 - 14:16
Аляксандр Лукашэнка падпісаў закон аб змяненнях у пытаннях сацстрахавання і пенсіённага забеспячэння
09.07.2025 - 08:19
Аляксандр Лукашэнка павіншаваў народнага настаўніка Беларусі Валерыя Барашкава з 75-годдзем
08.07.2025 - 10:17
Аляксандр Лукашэнка азнаёміцца з развіццём у Беларусі козагадоўлі