Аляксандр Лукашэнка падпісаў змяненні ў закон аб дарожным руху

Прэзідэнт Беларусі Аляксандр Лукашэнка падпісаў змяненні ў закон «Аб дарожным руху». Аб гэтым паведамілі ў прэс-службе кіраўніка дзяржавы.

Абноўленым законам прадугледжваецца павелічэнне максімальна дапушчальнай магутнасці рухавіка для колавых трактароў і самаходных машын катэгорый C, D, E, F (з 80 да 110,3 кілавата), якія выкарыстоўваюцца для выканання сельскагаспадарчых работ.

Акрамя таго, асобы, якія дасягнулі сямнаццацігадовага ўзросту, змогуць атрымліваць права кіравання самаходнымі машынамі сельгаспрызначэння, а таксама колавымі трактарамі з рухавікамі магутнасцю да 110,3 кілавата (напрыклад, такімі як «Беларус-1221»). Гэта дасць магчымасць актыўней прыцягваць навучэнцаў устаноў прафесійна-тэхнічнай адукацыі да пасяўных і ўборачных работ.

БЕЛТА