Аляксандр Лукашэнка пра Форум рэгіёнаў Беларусі і Расіі: яшчэ адзін важны крок да ўмацавання супрацоўніцтва

Прэзідэнт Беларусі Аляксандр Лукашэнка падкрэслівае значнасць міжрэгіянальнага ўзаемадзеяння ў развіцці беларуска-расійскага супрацоўніцтва. Пра гэта кіраўнік дзяржавы заявіў сёння ў сваім выступленні на пленарным пасяджэнні VII Форума рэгіёнаў Беларусі і Расіі.

«Сённяшні саміт важны для Саюзнай дзяржавы як працяг дыялогу, які мы з Прэзідэнтам Расійскай Федэрацыі пачалі падчас сустрэчы ў Сочы ў верасні бягучага года. Гэта яшчэ адзін важны крок да ўмацавання добрасуседства і развіцця супрацоўніцтва паміж нашымі брацкімі народамі, – сказаў Прэзідэнт.

Ён адзначыў, што фармат такога рэгіянальнага ўзаемадзеяння вельмі эфектыўны. За 6 гадоў падпісана больш за 300 пагадненняў, заключана кантрактаў на суму звыш $ 2 млрд. «Гэта вялікі ўклад у развіццё сацыяльна-эканамічнага патэнцыялу Беларусі і Расіі. Упэўнены: сённяшні саміт па ўсіх пазіцыях не саступіць папярэднім», – сказаў Аляксандр Лукашэнка.

«Гісторыя пацвярджае, што толькі разам нам удаецца дамагацца значных вынікаў», – акцэнтаваў увагу кіраўнік дзяржавы.

БЕЛТА