Аляксандр Лукашэнка праінспектаваў эксперыментальныя палі на малой радзіме

Прэзідэнт Беларусі Аляксандр Лукашэнка 12 ліпеня праінспектаваў эксперыментальныя палі на малой радзіме.

Аб намеры наведаць тыя самыя прэзідэнцкія эксперыментальныя палі кіраўнік дзяржавы расказаў напярэдадні ў час наведвання рабатызаванага малочнатаварнага комплексу «Паўлінка» ў Аршанскім раёне.

На прэзідэнцкіх эксперыментальных палях расце мноства культур: канюшына, розныя сарты пшаніцы, соя, лубін, кармавы гарох, яравы ячмень, трыцікале, сланечнікі - прычым гэта галоўны на сёння эксперымент.

«Так, паспяванне нядрэннае», - ацаніў стан культур Аляксандр Лукашэнка.

Прычым каля дарогі, заўважыў кіраўнік дзяржавы, землі менш урадлівыя па зразумелых прычынах і пасевы тут адпаведныя. А вось у глыбіні поля ўраджай будзе куды лепшы.

«Хімію тут нельга прымяняць, таму што мы загубім канюшыну», - растлумачыў Прэзідэнт. Паводле яго слоў, у будучым годзе гэтай расліне тут удзеляць больш увагі.

Аляксандр Лукашэнка нагадаў, што некалі на гэтых палях эксперыментавалі з рапсам і азімым ячменем. Вынікі дазволілі на практыцы пераканацца ў карысці і эфектыўнасці, у тым ліку фінансавай, апрацоўкі гэтых культур.

БЕЛТА