Аляксандр Лукашэнка вылецеў у Санкт-Пецярбург, дзе сустрэнецца з Уладзімірам Пуціным

Прэзідэнт Беларусі Аляксандр Лукашэнка накіраваўся з рабочым візітам у Расійскую Федэрацыю.

У Санкт-Пецярбургу сёння адбудзецца сустрэча з Прэзідэнтам Расіі Уладзімірам Пуціным, падчас якой кіраўнікі дзяржаў абмяркуюць развіццё супрацоўніцтва ў розных сферах, міжнародную праблематыку.

Як адзначылі ў прэс-службе кіраўніка беларускай дзяржавы, гэты візіт працягвае існуючую практыку рэгулярных асабістых сустрэч лідараў для абмеркавання актуальных пытанняў.

Telegram-канал «Пул Першага» ўдакладняе, што Аляксандр Лукашэнка і Уладзімір Пуцін дамовіліся аб сённяшняй сустрэчы яшчэ 1 ліпеня падчас тэлефоннай размовы.

Борт нумар адзін ужо вылецеў з аэрадрома Балбасава. Гэта міжнародны грузавы аэрадром, размешчаны ў мультымадальным прамыслова-лагістычным комплексе «Брэміна-Орша» ў гарадскім пасёлку Балбасава за 18 кіламетраў ад Оршы. Там жа знаходзіцца ААТ «Аршанскі авіярамонтны завод», які месяц таму наведваў Аляксандр Лукашэнка.

Узлётна-пасадачнай паласе аэрадрома прысвоены міжнародны статус. Зараз тут могуць прымаць і адпраўляць прамыя грузавыя авіярэйсы, а таксама грамадзянскія паветраныя судны. Аэрадром павінен стаць буйным грузавым хабам.

БЕЛТА