Амаль 2 тысячы 400 дэлегатаў будзе ўдзельнічаць ва Усебеларускім народным сходзе

Амаль 2 тысячы 400 дэлегатаў будзе ўдзельнічаць ва Усебеларускім народным сходзе.

Кадры на відэа зробленыя ў Палацы Рэспублікі, дзе і пройдзе народнае веча. Як відаць, усё гатова да сустрэчы. Тут будзе працаваць і выязная студыя Агенцтва тэленавін. Прамыя ўключэнні і цікавыя госці чакаюць гледачоў заўтра. Не прапусціце.

А вось і асноўныя лічбы па народным форуме. Без уліку запрошаных –усяго амаль 2 тысячы 400 дэлегатаў будуць удзельнічаць у сходзе. З іх звыш 36 % – прадстаўніцы прыгожага полу. Гэтым разам нямала і маладых удзельнікаў –тым, каму няма і 30 –такіх больш за 6 %. Самы ж «масавы» узрост – ад 41 да 50 – 858 чалавек.

Усебеларускі народны сход –гэта добры зрэз грамадства

Пра гэта кажуць і прафесіі удзельнікаў. 30% – работнікі прамысловасці, будаўніцтва і транспарту, шматлікае прадстаўніцтва работнікаў сацыяльна-культурнай, сферы паслуг і СМІ. Яшчэ будуць дэлегаты ад АПК, сілавы блок, дзяржкіраванне, пенсіянеры, а таксама студэнты ВНУ і навучэнцы сярэдніх спецыяльных навучальных устаноў.

tvr.by