Андрэй Кунцэвіч: прысваенне Бялынічам статусу культурнай сталіцы - асаблівая нагода для гонару

У час урачыстых мерапрыемстваў, прысвечаных адкрыццю рэспубліканскай акцыі «Бялынічы - культурная сталіца Беларусі 2024» першы намеснік міністра інфармацыі Андрэй Кунцэвіч адзначыў важнасць гэтай падзеі для горада і яго жыхароў.

«Сёння хочацца сказаць вялікі дзякуй Магілёўскаму аблвыканкаму, Бялыніцкаму райвыканкаму за падтрымку культурных ініцыятываў. Вялікая падзяка Міністэрству культуры, якое спыніла свой выбар на Бялынічах. Паверце, гэты горад, гэтая зямля і гэтыя людзі заслугоўваюць такі высокі статус», - падкрэсліў ён.

Андрэй Кунцэвіч родам з Бялынічаў, жыў і працаваў тут. А таму такая падзея - асаблівая нагода для гонару. Ён падзяліўся, завошта любіць гэты бок. «А завошта любяць радзіму? За тое, што тут бацькоўскі дом, родныя дарожкі. За тое, што гэта любімы горад», - сказаў ён.

Як адзначыла старшыня Бялыніцкага райвыканкама Вольга Прыстромская, прысваенне гораду такога статусу - вялікі поспех, а разам з тым - і вялікая адказнасць. «Наш край - самы лепшы, нашы людзі - самыя лепшыя. Яны бязмежна таленавітыя. У нас багатая гісторыя і культура», - падкрэсліла яна.

Старшыня райвыканкама таксама выказала ўпэўненасць, што ўсе запланаваныя мерапрыемствы, якія будуць прымаць Бялынічы ўжо з новым статусам, будуць накіраваны на карысць роднай зямлі і развіццё сферы культуры. «Мы запланавалі мноства мерапрыемстваў. Наш горад стане пляцоўкай для арганізацыі міжнародных, рэспубліканскіх і міжрэгіянальных мерапрыемстваў і праектаў, - сказала яна. - Ужо ў сакавіку мы сустракаем удзельнікаў нацыянальнага адбору міжнароднага конкурсу «Славянскі базар у Віцебску». Мы ўпэўненыя, што будзе цікава. А таму запрашаем усіх у наш дзіўны край белых начэй і таленавітых людзей».

БЕЛТА