Апублікаваны змены ў закон аб абыходжанні з адходамі

Апублікаваны закон ад 29 снежня 2023 года №333-З «Аб змяненні закона Рэспублікі Беларусь «Аб абыходжанні з адходамі» (закон №333-З). Пра гэта паведамляе са спасылкай на Нацыянальны прававы інтэрнет-партал.

Закон №333-З прадугледжвае шэраг зменаў заканадаўства аб абыходжанні з адходамі. У прыватнасці, удакладнены тэрміналогія і асноўныя прынцыпы дзейнасці ў галіне абыходжання з адходамі, уведзена прыярытэтнасць асноўных напрамкаў адзінай дзяржаўнай палітыкі ў гэтай сферы, выключана неабгрунтаванае пасрэдніцтва пры абыходжанні з адходамі. Таксама дакументам прадугледжаны нормы ў частцы набыцця права ўласнасці на адходы спажывання і другасныя матэрыяльныя рэсурсы, атрыманыя ў выніку зносу аб'ектаў і якія маюць кошт, удакладнена кола суб'ектаў гаспадарання, для якіх былі прадугледжаны выключэнні ў частцы захавання агульных патрабаванняў заканадаўства пры абыходжанні з адходамі.

Асноўныя палажэнні закона №333-З уступаюць у сілу праз дзевяць месяцаў пасля яго афіцыйнага апублікавання.