Асабісты прыём грамадзян правёў старшыня Магілёўскага аблвыканкама Леанід Заяц

Асабісты прыём грамадзян правёў сёння старшыня Магілёўскага аблвыканкама Леанід Заяц. Шляхі вырашэння некаторых з праблемных для заяўнікаў пытанняў былі намечаны непасрэдна ў ходзе гутаркі.

Так, будзе аказана дапамога шматдзетнай сям’і магілёўцаў, якая звярнулася па садзейнічанне ў набыцці будаўнічых матэрыялаў для правядзення рамонтна-аздобных прац свайго жылля, бо вырашыць праблему ўласнымі сіламі бацькі, на ўтрыманні якіх дзесяць дзяцей, прычым дзевяць з іх непаўналетнія, не ў стане. Таму сям’і і аказваецца дзяржаўная падтрымка. Чарговага плана. І ў аператыўным, як было адзначана, парадку.

Для вырашэння ж пытання па ўладкаванні пандуса ў адным з новых магілёўскіх шматкватэрных жылых дамоў па вул. Цішкі Гартнага, як аказалася, наогул не спатрэбілася прыходу заяўніцы, у сям’і якой выхоўваецца малалетняе дзіця-інвалід. Праблема была папярэдне разгледжана гарвыканкамам. Прынята рашэнне не толькі аб размяшчэнні ў гэтым доме пандуса, але і ўладкаванні ў ім безбар’ернага асяроддзя.

mogilevnews.by