На асабісты прыём да старшыні Магілёўскага абласнога Савета дэпутатаў Аляксандра Гарошкіна звярнулася пенсіянерка з Магілёва. Жанчыну цікавілі пытанні, якія датычацца аплаты за арэнднае жыллё, а таксама парадак прыняцця на ўлік маючых патрэбу ў паляпшэнні жыллёвых умоў і зняцце з уліку.
Магіляўчанка лічыць, што ўстаноўлены памер аплаты за карыстанне арэндным жыллём неабгрунтавана высокі, сцвярджае, што як пенсіянер, які мае працяглы стаж працоўнай дзейнасці, мае права на льготы.
Таксама жанчыну цікавіла пытанне адносна правоў чальцоў яе сям'і ў далейшым пражываць у арэнднай кватэры і перааформіць дакументы на сябе.
На што начальнік галоўнага ўпраўлення ЖКГ Магілёўскага аблвыканкама Таццяна Касаткіна патлумачыла, што спосабы змянення наймальніка арэнднага жылля - розныя. Са згоды ўсіх, хто пражывае, можна перааформіць кватэру на аднаго з жыхароў. Для гэтага трэба звярнуцца ў адміністрацыю раёна, запоўніць пэўную форму, усе зарэгістраваныя паўналетнія жыхары кватэры павінны даць згоду і рашэннем адміністрацыі выносіцца заключэнне. Усе адказы па змяненні дагавора найму жылога памяшкання прапісаны ў арт.60 п.5 Жыллёвага кодэкса.
Акрамя таго, заяўніца папрасіла разабрацца з яе пункту гледжання парушэннем у частцы няпоўнага ўказання ў дагаворах звестак аб падставах прадастаўлення арэнднага жылля, аб складзе сям'і і льготах для наймальніка-пенсіянера пры афармленні з ёй дагавораў найму арэнднага жылля.
Як растлумачыў Аляксандр Горшкін, ёсць форма дагавора, якую запаўняе і падпісвае кожны чалавек пры атрыманні арэнднага жылля. У гэтай форме вызначана, якія дакументы павінны быць падставай для прыняцця Рашэння па выдзяленні такіх кватэр. Усе гэтыя дакументы захоўваюцца ў камісіях, якія прымалі і выносілі такія рашэнні. Пры неабходнасці ўвесь пакет можна запытаць і праверыць.
Галіна Гаўрыловіч, фота аўтара
Пры выкарыстанні матэрыялаў актыўная гіперспасылка на mogilev-region.gov.by абавязковая
