Пад Магілёвам у вёсцы Сідаравічы 5 кастрычніка адбылося пахаванне астанкаў невядомага салдата, якія знайшлі ў верасні гэтага года мясцовыя жыхары падчас работ на зямлі. Як расказаў кіраўнік Магілёўскага абласнога гісторыка-патрыятычнага клуба «Віккру» Мікалай Барысенка, астанкі знаходзіліся неглыбока: на адлегласці 50-60 сантыметраў. Знойдзеныя разам з астанкамі атрыбуты (шлем, каска, зорачка, аловак, фрагменты партупеі і палявой сумкі-планшэта) сведчаць пра тое, што загінулы мог насіць вайсковае званне «малодшы камандзір».
«Месцы побач з вёскай Сідаравічы сярод пошукавікаў лічацца перспектыўнымі для знаходак, – расказаў Мікалай Барысенка. – Пры абароне Магілёва тут размяшчаўся 747-ы стралковы полк дывізіі Міхаіла Раманава. 10 ліпеня немцы фарсіравалі Днепр, і па рашэнні камандуючага 13-й арміяй быў створаны перадавы атрад, які ўзначаліў маёр Генадзь Златавустаўскі. Атрад уключаў у сябе каля дзвюх тысяч байцоў і камандзіраў Чырвонай Арміі і больш за 20 ствалоў артылерыі. Гэтымі сіламі абаронцы спрабавалі спыніць 4-ю нямецкую танкавую дывізію, якая рвалася да Магілёва. Знойдзены салдат, як мяркуецца, прымаў удзел у абароне і загінуў у ліпені 1941 года».
Усяго на тэрыторыі Магілёўскай вобласці знаходзіцца каля 328 тыс. брацкіх і адзіночных воінскіх магіл. Імёны салдат, якія спачываюць у іх, вядомыя ў 58 тыс. пахаванняў, астатнія 270 тыс. - безыменныя
Пры выкарыстанні матэрыялаў актыўная гіперспасылка на mogilev-region.gov.by абавязковая
31.03.2025 - 12:28
Аляксей Шарай зацверджаны на пасадзе старшыні Крычаўскага райвыканкама
21.03.2025 - 11:05
У Бабруйску «Белая Русь» распрацоўвае маршрут экскурсіі да 80-годдзя Вялікай Перамогі
21.03.2025 - 10:15
20.03.2025 - 14:38
Леанід Заяц: «У Беларусі робіцца ўсё, каб нашыя людзі жылі камфортна, бяспечна, больш забяспечана»
17.03.2025 - 11:27
У Асіповіцкім гарнізоне здалі чарговы арэндны дом для вайскоўцаў