Рус Бел Eng 中文

«Бабруйскаграмаш» адзначаны залатой узнагародай на Расійскай аграпрамысловай выставе «Залатая восень-2019»

У Маскве прайшла традыцыйная Расійская аграпрамысловая выстава «Залатая восень-2019». У форуме прыняло ўдзел звыш 1500 экспанентаў з расійскіх рэгіёнаў, а таксама блізкага і далёкага замежжа.

Па выніках выставы залатым медалём Міністэрства сельскай гаспадаркі Расійскай Федэрацыі адзначана прадпрыемства «Бабруйскаграмаш». Найвышэйшай узнагароды форума яно ўдастоена за перамогу ў конкурснай намінацыі «За вытворчасць высокаэфектыўнай сельскагаспадарчай тэхнікі і ўкараненне прагрэсіўных рэсурсазберагальных тэхналогій» за стварэнне і серыйную вытворчасць здрабняльніка-пакавальніка вільготнага збожжа ИУВЗ-20М. Гэта машына не мае аналагаў у краінах СНД і прызначана для драбнення і закладкі на захоўванне ў палімерны рукаў фуражнага збожжа з вільготнасцю да 45%.

На выставе былі прадстаўлены яшчэ 3 узоры тэхнікі, якая выпускаецца «Бабруйскаграмашам»: машына для ўнясення вадкіх арганічных угнаенняў МЖТ-3, мадэрнізаваны цюкавы прэс-падборшчык ПР-1,65 Т і кормараздатчык СРВ-8.

mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая