«Бабруйскаграмаш» плануе паставіць буйную партыю тэхнікі ў Польшчу

ААТ «Кіруючая кампанія холдынгу «Бабруйскаграмаш» плануе паставіць буйную партыю тэхнікі ў Польшчу. Пра гэта паведамілі ў прэс-службе прадпрыемства.

У канцы ліпеня прадпрыемства наведаў з рабочым візітам старшыня праўлення MTZ Belarus Tractor Sp. Z o. o. Дзмітрый Адамовіч. Ён азнаёміўся з вытворчасцю і выставачнай экспазіцыяй, дзе была прадстаўлена шырокая лінейка сельскагаспадарчых машын і абсталявання, якія вырабляюцца прадпрыемствамі холдынга «Бабруйскаграмаш». «Асаблівую цікавасць у польскага партнёра выклікалі трактарныя прычэпы і паўпрычэпы, машыны для ўнясення арганічных угнаенняў і корманарыхтоўчая тэхніка. Дзмітрый Адамовіч адзначыў высокую якасць аграмашын і той факт, што тэхніка «Бабруйскаграмаш» мае сертыфікат адпаведнасці патрабаванням ЕС», – адзначылі ў прэс-службе.

Падчас перагавораў удзельнікі абмеркавалі пытанні прасоўвання і рэалізацыі сельскагаспадарчай тэхнікі «Бабруйскаграмаш» у Польшчу і рынкі ЕС. Быў падпісаны дагавор на пастаўку буйной партыі сельскагаспадарчай тэхнікі ў Польшчу. Адгрузкі сельгастэхнікі будуць ажыццёўлены ў жніўні-верасні 2021 года. Таксама падчас перагавораў было разгледжана пытанне аб удзеле холдынгу «Бабруйскаграмаш» у сельскагаспадарчай выставе Agro Show-2021 (Польшча, г. Познань).

ААТ «Кіруючая кампанія холдынгу «Бабруйскаграмаш» з’яўляецца адным з найбуйнейшых вытворцаў сельскагаспадарчых машын і прыстасаванняў у краінах Усходняй Еўропы. Прадпрыемства працуе на рынку сельскагаспадарчай тэхнікі з 1974 года. Асартымент прадукцыі налічвае больш за 150 найменняў. На сённяшні дзень тэхніка холдынга пастаўляецца больш чым у 50 краін свету.

БЕЛТА