Бабруйскі «Дынама-Шыннік» паўторна абыграў «СКА-Карэлію» ў Маладзёжнай хакейнай лізе

Хакеісты бабруйскага «Дынама-Шынніка» абыгралі ХК «СКА-Карэлія» ў чарговым матчы рэгулярнага чэмпіянату Маладзёжнай хакейнай лігі.

Сустрэча каманд прайшла на сталічнай «Алімпік-Арэне», паколькі пляцоўка «Бабруйск-Арэны» прыводзіцца ў адпаведнасць патрабаванням МХЛ. У кожным з перыядаў паядынку ў Мінску юныя дынамаўцы вылучыліся па разе: у стартавай трэці наперад каманду вывеў Данііл Сатышвілі, у наступным адрэзку Ягор Сяўко падвоіў перавагу гаспадароў, а ў фінальнай 20-хвілінцы Ягор Ігнаценка ўстанавіў канчатковы лік – 3:0. Галкіпер «шыннікаў» Іван Лушчык аформіў першы шатаўт у лізе.

Такім чынам, «Дынама-Шыннік» выйграла чатыры хатнія матчы з чатырох: раней беларусы двойчы былі мацнейшыя за «СКА-Варагі» з Ленінградскай вобласці (5:4, 3:2), а днём раней разграмілі тую ж «СКА-Карэлію» з Кондапагі – 8:1. Дзякуючы пераможнай серыі бабруйчане ўпершыню ўвайшлі ў зону плэй-оф Заходняй канферэнцыі МХЛ, падняўшыся на 6 месца сярод 19 каманд.

Наступны матч юныя дынамаўцы правядуць 4 кастрычніка дома супраць маскоўскіх «Крылаў Саветаў».

БЕЛТА