RU BY EN 中文
Twitter Instagram

Беларусь атрымала больш за 10 тыс. тэстаў на каранавірус у якасці гуманітарнай дапамогі ад Кітая

Медыцынская гуманітарная дапамога з Кітая прыбыла сёння ў Беларусь. Самалётам у Нацыянальны аэрапорт Мінск дастаўлены груз з больш чым 10,7 тыс. тэст-сістэм для дыягностыкі каранавіруса. Пра гэта паведаміў намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Аляксандр Зяньковіч.

«Атрыманыя тэст-сістэмы будуць накіраваныя на ўмацаванне лабараторнага патэнцыялу Беларусі па дыягностыцы новага каранавірусу. Наша ўстанова з’яўляецца атрымальнікам гуманітарнага грузу, які будзе размеркаваны ў лабараторыі па ўсёй краіне», – растлумачыў спецыяліст. Ён падкрэсліў, што беларускі бок асабліва ўдзячны кіраўніцтву Кітая і пасольству гэтай краіны за аказанне падтрымкі ў той момант, калі яна вельмі неабходная.

Гуманітарны груз ужо другі, накіраваны ў Беларусь з Кітая. Раней, 1 красавіка, у краіну была дастаўленая партыя, якая ўключала больш за 2 тыс.тэстаў, а таксама медыцынскія ахоўныя касцюмы, інфрачырвоныя тэрмометры, ахоўныя акуляры, аднаразовыя пальчаткі і бахілы. Такім чынам кітайскі бок адказвае ўзаемнасцю на дасланыя раней у КНР беларускія грузы. Калі ў Кітаі была вельмі цяжкая эпідэміялагічная абстаноўка, Беларусь аказала гуманітарную дапамогу, накіраваўшы два самалёты з неабходнымі медыцынскімі вырабамі.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая