Беларусам прапануюць прагаласаваць за лепшую паштовую марку 2024 года

У Беларусі стартуе галасаванне за лепшую паштовую марку 2024 года, паведамілі ў Міністэрстве сувязі і інфарматызацыі.

«З 9 па 23 снежня ў кожнага з вас ёсць унікальная магчымасць стаць часткай цікавай падзеі - галасавання за лепшую паштовую марку Беларусі 2024 года. Гэты конкурс праходзіць кожны год, і мы запрашаем усіх жадаючых прыняць у ім удзел», - адзначылі ў Мінсувязі.

Аддаць свой голас за лепшую марку можна будзе ў спецыяльным раздзеле на сайце «Белпошты». Для ўдзелу неабходна выбраць адну паштовую марку, якая спадабалася, або паштовы блок. Лепшай будзе прызнана тая паштовая марка, якая атрымае большасць галасоў. Калі некалькі марак атрымае аднолькавую колькасць галасоў, то ўсе яны будуць прызнаны лепшымі.

Вынікі конкурсу будуць апублікаваны 26 снежня на сайце «Белпошты».

БЕЛТА