Беларуска-Расійскі ўніверсітэт з’явіўся ў папулярнай камп’ютарнай гульні «Майнкрафт»

Беларуска-Расійскі ўніверсітэт з’явіўся ў папулярнай камп’ютарнай гульні «Майнкрафт». Пра гэта расказалі ва ўстанове адукацыі.

На дадзены момант у гульні прадстаўлены толькі галоўны корпус навучальнай установы, аднак распрацоўшчыкі не выключаюць магчымасць з’яўлення ў далейшым і астатніх будынкаў. «Праект уяўляе сабой асобны гульнявы свет, дзе размешчаны наш універсітэт, – адзначылі ў ВНУ. – Любы жадаючы можа самастойна пагрузіцца ў гульню і вывучыць да драбнюткіх дэталяў галоўны корпус БРУ – пачынаючы ад знешняга выгляду і заканчваючы ўнутраным уладкаваннем».

Ідэя і рэалізацыя крэатыўнага праекта належыць студэнтам, якія навучаюцца на машынабудаўнічым факультэце па спецыяльнасці «Аўтаматызацыя тэхналагічных працэсаў і вытворчасцей». Па словах распрацоўшчыкаў, задума ўзнавіць універсітэт у камп’ютарнай гульні з’явілася раптоўна. На яе рэалізацыю сышло каля месяца, і вынікам усе засталіся задаволеныя.

Пагуляць і ацаніць маштабы задумкі зможа кожны: падрабязны алгарытм дзеянняў для пачатку гульні і віртуальнага падарожжа па БРУ выкладзены на сайце ўніверсітэта.

БЕЛТА