У Магілёве працягваюцца рэспубліканскія спаборніцтвы па спартыўнай гімнастыцы «Турнір спартыўнай славы».
Удзел у спаборніцтвах прымае 130 атлетаў з Беларусі і Расіі. У другі дзень турніру медалі ў мнагабор’і разыгрывалі жанчыны і юніёркі. Па выніках усіх практыкаванняў у жанчын найлепшы вынік у 56,673 бала паказала расіянка Уладзіслава Уразава, другую суму набрала яе суайчынніца Вікторыя Лістунова (56,534), трэцяй стала яшчэ адна спартсменка з Расіі Алёна Глотава (55,600). Найлепшай з беларусак аказалася Лізавета Пулукчу, якая заняла 6-е месца.
Сярод спартсменак, не старэйшых за 18 гадоў, увесь п’едэстал у мнагабор’і таксама занялі расіянкі. Наймацнейшай у нашай юніёрскай камандзе стала Дар’я Жукоўская, якая размясцілася на пятай пазіцыі.
«Турнір спартыўнай славы» ў Магілёве завершыцца 3 лістапада фіналамі на асобных снарадах у мужчын і жанчын, а таксама ў юніёраў і юніёрак.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.08.2025 - 10:18
Хакеісты «Дынама-Шынніка» рыхтуюцца да старту ў новым сезоне МХЛ
19.08.2025 - 09:17
Магіляўчанін Ягор Шарамкоў выступіць на чэмпіянаце свету па спартыўнай гімнастыцы ў Інданезіі
18.08.2025 - 09:12
Сталі вядомы пераможцы чэмпіянату Беларусі па цяжкай атлетыцы
14.08.2025 - 11:37
Новыя спартовыя пляцоўкі з'явіліся ў адзінаццаці школах Магілёва