«Белпошта» запрашае жыхароў Магілёўскай вобласці прыняць удзел у конкурсе экалагічнага малюнка

«Белпошта» праводзіць рэспубліканскі конкурс экалагічнага малюнка сярод жыхароў Беларусі. Пра гэта паведамляецца на сайце прадпрыемства.

Творчае спаборніцтва стартуе 17 лютага. Прыём работ працягнецца да 1 мая. Прыняць удзел могуць беларусы ва ўзросце ад 14 гадоў.

Канкурсантам неабходна прыдумаць і адлюстраваць малюнак на тэму «Захаванне экасістэмы – абарона клімату». Творчая задума можа быць выканана на паперы або ў электронным фармаце ў любой тэхніцы з ужываннем розных матэрыялаў.

Малюнак электроннага фармату трэба прадставіць ў тыпавым (родным) файле Photoshop, Illustrator або TIFF (стандартны несціснуты фармат).

Заяўкі на ўдзел, а таксама гатовыя работы павінны быць адпраўлены заказнымі лістамі да 1 мая на адрас: РУП «Белпошта» з паметкай (Упраўленне маркетынгу), пр-т Незалежнасці, 10, 220050, г. Мінск.

Электронныя файлы прымаюцца ў лічбавым фармаце на DVD і CD дысках поштай або на электронны адрас motamediEV@belpost.by.

Па выніках журы адбярэ пяць найлепшых малюнкаў для заахвочвання аўтараў. З гэтых пяці работ шляхам галасавання будзе абраная найлепшая для ўдзелу ў міжнародным конкурсе.

Заяўка на ўдзел 

Палажэнне