RU BY EN 中文
Twitter Instagram

«Белтэлекам» прадаставіць ветэранам Вялікай Айчыннай вайны 7–11 мая бясплатныя званкі

«Белтэлекам» прадаставіць ветэранам Вялікай Айчыннай вайны 7–11 мая бясплатныя званкі па Беларусі. Акцыя праходзіць да Дня Перамогі.

Бясплатныя міжгароднія размовы прадастаўляюцца c 00.00 7 мая да 00.00 11 мая аўтаматычным спосабам або з дапамогай тэлефаніста з хатніх тэлефонаў, абанентамі якіх з’яўляюцца Героі Савецкага Саюза, поўныя кавалеры ордэна Славы, інваліды і ўдзельнікі Вялікай Айчыннай вайны і некаторыя іншыя катэгорыі асоб.

Умовы акцыі не распаўсюджваюцца на размовы з абанентамі мабільных аператараў, доступ у інтэрнэт і карыстанне платнымі даведачна-інфармацыйнымі службамі, у тым ліку арганізаванымі па міжгароднім прынцыпе.

Акрамя таго, у гонар Дня Перамогі «Белтэлекам» прапануе спецыяльныя ўмовы для падключэння да ZALA.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая