Беспрацоўных магіляўчан запрашаюць прыняць удзел у кірмашы вакансій

Беспрацоўных магіляўчан запрашаюць 8 лютага ўзяць удзел у кірмашы вакансій. Мерапрыемства пройдзе ва ўпраўленні па працы, занятасці і сацыяльнай абароне Магілёўскага гарвыканкама, паведамілі ў адміністрацыі абласнога цэнтра.

Незанятых у эканоміцы і грамадзян, якія не маюць пастаяннай работы, чакаюць з 11.00 да 12.00 па адрасе: вул. Касманаўтаў, 17. Жадаючыя змогуць азнаёміцца з актуальнымі вакансіямі для далейшага працаўладкавання на свабодныя працоўныя месцы, атрымаць кваліфікаваную кансультацыю па пытаннях.

У кірмашы вакансій прымуць удзел вядучыя прадпрыемствы горада, у тым ліку Магілёўскі домабудаўнічы камбінат, ЖРЭУ Ленінскага раёна Магілёва ДСТ №3, ПУП «Метыз», УП «Тыфлос», адкрытыя акцыянерныя таварыствы «Дамачай», «Магатэкс», БЕЛАЗ, «Магілёўаблаўтатранс» і многія іншыя.

БЕЛТА