Больш за 100 спартсменаў збярэ ў Магілёве 23–25 верасня Кубак Беларусі па дзюдо. Пра гэта паведамілі ў адміністрацыі спартыўнага комплексу «Алімпіец», на базе якога адбудуцца спаборніцтвы.
У абласным цэнтры будуць спаборнічаць спартсмены ад 18 гадоў і старэйшыя з кваліфікацыяй не ніжэй за кандыдата ў майстры спорту з усіх рэгіёнаў краіны. Да ўдзелу могуць быць таксама дапушчаны спартсмены маладзейшыя за 17 гадоў, якія ў бягучым годзе сталі пераможцамі або прызёрамі рэспубліканскіх першынстваў да 21 года або да 23 гадоў, а таксама прызёрамі чэмпіянатаў Еўропы або свету ў любой узроставай катэгорыі.
Мужчыны і жанчыны будуць спаборнічаць у некалькіх вагавых катэгорыях – ад 60 кг і 48 кг адпаведна. Спаборніцтвы праводзяцца па алімпійскай сістэме з суцяшэннем ад паўфіналістаў. У суцяшальны этап дапускаюцца толькі тыя, хто ў верхняй сетцы саступіў аднаму з чатырох паўфіналістаў. Гэта схема атрымала распаўсюджванне ў дзюдо, самба, грэплінгу, рукапашным баі.
У першы дзень Кубка адбудзецца пасяджэнне судзейскай калегіі і ўзважванне спартсменаў, у другі і трэці дні пройдуць самі баі і фінальныя блокі. У мэтах прафілактыкі распаўсюджвання COVID-19 спаборніцтвы пройдуць без гледачоў з захаваннем масачнага рэжыму.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.08.2025 - 10:18
Хакеісты «Дынама-Шынніка» рыхтуюцца да старту ў новым сезоне МХЛ
19.08.2025 - 09:17
Магіляўчанін Ягор Шарамкоў выступіць на чэмпіянаце свету па спартыўнай гімнастыцы ў Інданезіі
18.08.2025 - 09:12
Сталі вядомы пераможцы чэмпіянату Беларусі па цяжкай атлетыцы
14.08.2025 - 11:37
Новыя спартовыя пляцоўкі з'явіліся ў адзінаццаці школах Магілёва