Датэрмінова выкарыстоўваць сямейны капітал на 1 красавіка бягучага год, захацела 1235 шматдзетных сем’яў Магілёўскай вобласці. Больш за 93% сем’яў вырашылі выкарыстаць яго на паляпшэнне жыллёвых умоў, тыя, што засталіся – на адукацыю, атрыманне платных медыцынскіх паслуг.
«Паводле даных на 1 красавіка станоўча вырашана або знаходзіцца ў стадыі разгляду 1109 заявак, – адзначыла намеснік начальніка ўпраўлення сацыяльнай дапамогі і сацабслугоўвання Марына Бацюкова. – Адмоўлена ў праве датэрмінова выкарыстоўваць сямейны капітал 10 сем’ям. У асноўным па прычыне таго, што некаторыя звярталася па выкарыстанне капіталу на мэты, не прадугледжаныя праграмай, а хтосьці, напрыклад, не знаходзіўся на ўліку маючых патрэбу ў паляпшэнні жыллёвых умоў».
Усяго ў вобласці (на 1 красавіка 2020 г.) пражывае 10 834 шматдзетныя сям’і, у Магілёве – 2 518. Са студзеня 2015 года (усім тым, хто нарадзіў трэцяга і наступнага дзяцей) сямейны капітал прызначаны 8 749 сем’ям.
Згодна з праграмай, прынятай на 2020–2024 гады, да дасягнення дзіцём 18 гадоў шматдзетная сям’я можа выкарыстоўваць грошы на будаўніцтва (рэканструкцыю) або набыццё аднакватэрных жылых дамоў, кватэр у шматкватэрных або блакіраваных жылых дамах; пагашэнне запазычанасці па крэдытах, прадастаўленых на гэтыя мэты, і выплату працэнтаў за карыстанне імі членам (членамі) сям’і, якія знаходзяцца (якія стаяць) на ўліку маючых патрэбу ў паляпшэнні жыллёвых умоў або якія знаходзяцца (якія знаходзіліся) на такім уліку на дату заключэння крэдытнага дагавора. А таксама на атрыманне на платнай аснове членам (членамі) сям’і вышэйшай адукацыі I ступені, сярэдняй спецыяльнай адукацыі ў дзяржаўных установах адукацыі; атрыманне членам (членамі) сям’і платных медыцынскіх паслуг, якія аказваюцца арганізацыямі аховы здароўя (прадастаўленне іншых медыцынскіх паслуг замест уключаных у рэспубліканскі фармуляр медпаслуг пры выкананні складаных і высокатэхналагічных умяшальніцтваў у кардыяхірургіі, нейрахірургіі, анкалогіі і (або) іншых лекавых сродкаў замест уключаных у фармуляр лекавых сродкаў; некаторыя віды стаматалагічных паслуг).
Пры выкарыстанні матэрыялаў актыўная гіперспасылка на mogilev-region.gov.by абавязковая
